مشترياتي العطريه من فوحه العود‎

http://amalbeauty1.blogspot.com/2017/02/blog-post.html

https://www.instagram.com/amalskincare/

مرحبا متابعيني الأعزاء ، اليوم حابه اتكلم عن مجموعة منتجات في الدخون والعطور  الي خاصه بالبيت الجسم. الي متابعني من قبل يعرف شكثر أحب العود والدخون والعطور العربيه ، المجموعه الي بعرضها لكم شغل محلي ، صاري لسنين أتعامل معاها؛ هي بنفسها الي تسوي الخلطات والمخمريات والدخون والعطور ، لها في هذا المجال اكثر من 20 سنه ، وماشاء الله شغلها روعه ويبيض الوجه ، تقدرون تقولون ولا غلطه، وزباينها ما شاء الله من نخبه المجتمع الإماراتي ، تعاملها جدا راقي مثلها ولا عمري طلبت صنف جديد وما ابهرني وعجبني كل شغلها لا يعلى عليه.الآن بعرض لكم آخر مشترياتي من (فوحه العود)  وبعدها بوصف لكم كل منتج وطبيعة استخدامه.

مشترياتي عباره عن ثلاث مجموعات:

 مجموعه العود و الدخون , مجموعه العطور و الخمريات و ومجموعة مرشات الاثاث.

يالله نبدا

• مجموعه العود و الدخون:

http://amalbeauty1.blogspot.com/2017/02/blog-post.html

https://www.instagram.com/amalskincare/

http://amalbeauty1.blogspot.com/2017/02/blog-post.html

https://www.instagram.com/amalskincare/

 عشان يكون الوصف واضح رقمت الانواع ووكل نوع يحمل رقم 

• دخون الشوامس(رقم1):

هذا الدخون جاي على شكل كور كبار ، ريحته تجنن ، راكزه وقوية وثابته ، ينفع يتبخر فيه المجالس وأماكن الاستقبالات، ريحته تمسك في الاثاث والفرش، مكون من خطله عطور تناسب الرجال والنساء ، ربع كوره من الدخون تبخر مكان كبير وواسع مشاء الله  الدخون طري و رويان من العطور ، يستاهل كل درهم اندفع فيه ، أخذته ب 300 درهم.

• دخون فرنسي(رقم2):

عباره عن بخور مجالس فخم ريحته راكزه وواضحة وقوية تضل ريحته بالمجلس أسبوع ماتروح ، ابخر فيه مجالس الاستقبالات سواء رجال أو نساء شي يبيض الوجه وعليه القيمه ، أخذته ب 250 درهم. 

• دخون ملكي(رقم3) :

هذا الدخون رهيب وجميل على اسمه ريحته فخمه وراكزه وتنفع لتعطير الملابس   من جمال ريحته ابخر فيه الملابس والمجالس الرجاليه فقط وقت الاستقبالات الكبيرة ، زي ماقلت لكم ريحته راكزه وثابتة وفخمه، أخذته ب 400درهم. 

• مجموعه العطور و المخمريات:

http://amalbeauty1.blogspot.com/2017/02/blog-post.html

https://www.instagram.com/amalskincare/

http://amalbeauty1.blogspot.com/2017/02/blog-post.html

https://www.instagram.com/amalskincare/

  عشان يكون الوصف واضح رقمت الانواع ووكل نوع يحمل رقم

• مخمريه ملكيه(رقم1):

هاذي مخمريه شعر وفي بعض بلدان الخليج تسمى مخلط. هي مخصصة لشعر ونفع للجسم بس لأن مجموعه الزيوت العطريه المستخدمه ماتظر الشعر ولا تشيبه. هو عباره عن مزيج من الزيوت العطريه الاصيله التي يغلب عليها ريحه العود والزعفران. جدا راقيه وجميله. والريحه تضل في الشعر الي ان اغسله مره ثانيه ، الريحه ثااابته وخنينه. تستاهل كل درهم اندفع فيها. انا أخذتها 500 درهم اماراتي. 

• مخلط العود(رقم2) :

هذا المخلط مخصص للجسم ، يغلب عليه ريحه العود ، وهو عباره عن مزيج من العطور الزيتية العربيه المركزه و الزعفران وغيره لدرجه أنكم تشوفين في التوله جزء من كسر العود والفتات. ريحته ثابته على الجسم وجذابة وتندمج مع أي عطر برفيوم أو لوشن يستخدم.وأخذتها 350 درهم.  

• مسك ظبيه(رقم3):

وهو عباره عن زيت المسك الطبيعي لكن بخلطه (فوحه العود)جميل وراكز

وأخذته 150 درهن. 

• مخلط ظبيه(رقم4): 

يعتبر من عطور الجسم ، عباره عن مزيج من العطور الزيتية المركزه الي تعطي إحياء بالعطور الفرنسية الممزوجه بمجموعه من بالصندل والمسك   ، طبعا كل عطر يختلف عن الثاني لكن كل واحد مميز بريحته ، الحلو فيه اني ادمجه مع بخاخات الجسم واللوشن وكل مرة يطلع بشي جميل وجديد واخذته  ب60 درهم . عن تجربه ريحته جذابة خيال

• مخلط فاخر(رقم5):

من عطور الجسم ، مزيج من العطور الفرنسيه ، يغلب عليه ريحه الفرش والنضافه يحتوي على نسبه من رائحه الورد والمسك ، فواح على الجسم ويندمج مع أي لوشن احطه على جسمي أو مع أي سبري جسم رووووعه ، في كل مره استخدمه الكل يسألني شنو العطر الي مستخدمته ما يعرفون انه مخلط جسم ، لكن ماينلامون العطر يفتن واخذته ب60 درهم.

• مجموعة مرشات الاثاث:

http://amalbeauty1.blogspot.com/2017/02/blog-post.html

https://www.instagram.com/amalskincare/

http://amalbeauty1.blogspot.com/2017/02/blog-post.html

https://www.instagram.com/amalskincare/

  عشان يكون الوصف واضح رقمت الانواع ووكل نوع يحمل رقم 

مخلط شذا(رقم1):

هذا المخلط  عطر للمفارش و الأثاث جدا مركز وجميل عباره عن مزيج من العطور الي تكون محتواها زهور وورد  بمعنى الي تحب العطور الي تكون ممزوجة بالورد بعشقه  ريحته ثابته وتشبك بالأثاث بسرعه وتتم تقريبا اسبوع، أخذته 80 درهم.

مخلط رجالي(رقم2):

جدا جميل لمجالس الضيوف سواء رجال أو نساء, ريحته فخمه وثابته وبالنسبه لي هاذي ثاني مره اطلب فيها المخلطأخذته 100 درهم.

مخلط ظبيه(رقم3):

هذا المخلط خيال وكلمه روعه قليلة فيه عباره عن مزيج من العطور الي يكون محتواها العود ودرجات خيال  وحلو على المفارش والأثاث ، ثابت ويمسك في الفرش يستاهل كل درهم اندفع فيه؛،أخذته ب 100 درهم.

# اللي حاب يشتري من منتجاتها  يمكن الطلب عن طريق  لواتس  971553791779+ الأسعار لاتشمل قيمه التوصيل,سيتم الحاق قيمه الشحن مع قيمه المشتريات.